Çĕрпӳ ен сăрчĕсем
Э. Юрьева
Ак сăрт-тусен вăхăчĕ...
Гийом Аполлинер
Таçта çуралакан сассен
çӳçентерӳллĕ тĕтринче
органăн вĕçленми хоралĕ
йывăрланса çĕкленнĕ май
ылтăнланма пуçланă евĕр,
пур маншăн — тĕрлĕ илемрен
чи тĕплĕ, манăçми Илем:
вăл — Çĕрпӳ енĕн сăрчĕсем, —
эп вĕсенчен инçе чухне
вĕсен тĕлĕкри пек кĕрлевĕ.
Çав сăртсене аса илсен
«Алран кайми аки-сухи»
таçта пуçлать пек янрамашкăн, —
каçхи хир тăрăх ман ăсра
мăн йыш çул тытнăн васкамасăр;
эп вĕсенчен инçе чухне
ăрша хумĕсенче вĕсем
пурнаççĕ пек, стихия евĕр:
кăштăртату, пăшăлтату,
чĕр кĕмĕл пек чĕтрев илемĕ...
Çĕр тăрăх халăхăн хунтин
тĕрекĕсем вырнаçнă пек,
вĕсен мĕлкисене куратăп;
çав çĕрсенчи çут сывлăш та
таçти юратнă чун пек çывăх;
вĕсен сăмахсăр кĕввинче —
ача-пăча, атте-анне,
ял-йыш, пускил... — юратнă халăх!..
Тен, ман сасса та вĕçленсен
çав пиллĕ кĕрлевре тĕл пулăр.
Шухăшсем
Hello, Secure your spot on Rhodium Verse...
Ачв чухне лаша пуçĕ урлă утланса ларни...
КАЙМАÇ ПУЛАС ШУХĂША ПĔЛТЕРНИ .
To the chuvash...
Вăйлă xaйлав! Помидор çимĕçĕн усăлăхĕпе ...
пĕрремĕш абзацрах стилĕ килĕшмерĕ ...
Disquieting https://www...
Trying https://www...
Темĕн çав ...
Наталие хуравласа ...