Виçĕ юрă

Владимир Бараев | Сăвă | 1940 | 1 023


1

Эп пыраттăм каçпала

Ытарма çук садпала.

Пĕр хĕр тухрĕ ман умма,

Лăштах усрăм пуçăма.

 

Кăтра çӳçе кăлкан пек,

Пичĕ-куçĕ çырла пек.

Кам сăхланмĕ çав хĕре,

Мăшăр тумĕ ĕмĕре?

 

— И, йăмăкçăм, каласам,

Кайма вăхăт çитни сан?

Эсĕ мана пĕлетни,

Ман кăмăлăма сисетни?

 

— Ма-ха сана пĕлес мар,

Ялти чипер ачана?

Хăвăн кăмăлу пулсан —

Ĕмĕрлĕх пулатăп сан.

 

2

Сад варринче çырла пухнă чухне

Саркайăк йăвине тĕл пултăм.

Пăхăр-халĕ унăн йăвине,

Укапа тĕрлесе тунă пек.

 

Саркайăк пек савăн, çамрăк пуçăм,

Янра, юррăм, кĕмĕл сасси пек.

Ай-ай, савнă тусăм, хура куçăм,

Эс çав садри мăкăнь çеçки пек.

 

Ĕнтĕ эп те лайах, эс те лайăх,

Пĕрле пулни тата лайăх.

Тавай иккĕн пĕрле, ай пулар-и,

Ĕмĕр-ĕмĕр савăнса пурнар-и?

 

3

Шăпчăк юрлать,

Шăпчăк юрлать,

Шурă çĕмĕрт хушшинче,

Куккук юрлать,

Куккук юрлать,

Кăтра хурăн тăрринче.

Тантăш кĕтет,

Тусăм кĕтет

Улма сачĕ варринче.

Эп пырсассăн,

Хăй курсассăн,

Мĕн калĕ-ши вăл мана

Ыталĕ те,

Чуптăвĕ те,

Калĕ:

Юратап сана.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем